Жаңа жыл сезілмей ме?

Жаңа жылдың сықырлағаны байқалмай тереземізді ақырын қағуына байланысты көбімізде жаңа жылдық көңіл күй білінбейтін сияқты. Бұны, дамыл таппай зерттегіш ғалымдар, кризистің әсерінен деп жатыр. АҚШ-та рождестволық сыйлықтардың жыл сайынғы өтілуі төмендеп, адамдардың мейрамға деген құлшынысы салқындап қалғанын айтады.
Бізде де шамалы сондай жағдай. Бәлкім бала-бақша, мектептерде басқа көрініс шығар, ал біздің өмірде күйбің тіршілікте жаңа жылдық ғажайыпты күту немесе жаңа жылдық көңіл күй мүлде жоқ десе де болады.
Сол себептен сіздерге біраз да болсын демалдырып, құлшындыратын мынадай жаңа жылдық фильмдерді көруге кеңес беремін:

“Ирония судьбы, или С легким паром!” – әрбірімізге таныс, ресейлік режиссер Эльдар Рязановтың 1979 жылы шығарылған фильмі. Бұл фильмді отандық телеарналардың бірде біреуі елемеусіз өтпейтіні белгілі. Бағдарламаларды ашып қарасаңыз, әйтеуір бір каналдан осы фильмнің болатынын көресіз, ал тіптен болмай жатса СD-дискілер де сатылымда, қол жеткізуге өте оңай. “Карнавальная ночь” – тағы да Эльдар Рязановтың 1959 жылы түсірілген фильмі. Кеңес одағының ұлттық қорына енген бұл фильмнен өмірі қартаймайтын Гурченконың “5 минут” пен “Песенка про хорошее настроение” сияқты өшпес хиттарды тыңдай аласыз.

“Love actually” (“Реальная любовь”) – махаббат және оның түрлері. Маған әсіресе ештеме айтпай, картон қағазға жазып түсіндіретін жерлері ұнайды  :-)

“Чародеи” – бұл жаңа жылдық ертегіде осы жылы өмірден өткен Александр Абдуловты еске аласыз және нағыз махаббаттың бар екеніне біраз да болсын сендіретін фильм.

“Один дома” – бала кезімізден сүйіп көретін фильм. Үйде жалғыз қалған бұзық баланың ұрыларды тырқыратып, көкесін көрсетуін әркез жымиған езумен көретініміз анық. Кішкентай кезімде сол ұрылардың топастығына жыным келетін. Неге сол бір кішкентай баланы қолдарына түсіре алмай деп, хе-хе…

“Serendipity” (“Интуиция”) – тағдырға сенесіз бе? – Онда бұл сіздің фильміңіз.
Әр жыл сайын жаңа жыл қарсаңында қараймын. Бүгін, міне үшінші жыл қарап шықтым.

“Bridget Jones’s Diary” (“Дневник Бриджит Джонс”) – өміріңізге риза болмай, жаңа парақшадан бастағыңыз келсе Бриджитпен бірге бастаңыз. Бәлкім, алда сізде армандарыңыздың орындалуы күтіп тұрған шығар?

Өзімнің көру керек деген қорыма мына фильмдерді жазып қойдым:
“Эта прекрасная жизнь”
“Приходи на меня посмотреть”
“Падал прошлогодний снег”
“Ищите женщину”

Сіздердің қандай жаңа жылдық сүйіп көретін фильмдеріңіз бар? Қандайын көруге кеңес бересіздер?