Наурыз құтты болсын!!!

Наурыз айы туғанда
Той болушы еді бұл маңда
Сақталушы еді сыбаға
Сапарға кеткен ұлдарға
Наурыз айы туғанда!!!

Наурыз құтты болсын!!! Барлықтарыңызға жақсы көңіл-күй, ашық аспан, мөлдір махаббат тілеймін! Өмірлеріңізде куантатын сәттер көп болсын!!!

Google-де Наурыз жайлы қазақша біраз ақпарат қарастырып көріп едім. Қазақша ай аты дегеннен басқа көп ештеме таба алмадым. Сондықтан наурыз мейрамы жайында біраз ақпарат жазып қояйын.

Наурыз – жыл басы. Бұл мейрам шығыс елдерінде мұсылмандықты қабылдамай тұрған кезде пайда болғандықтан діндік рәсімдер мен бағыттарды ұстанбайды. Шығыс күнтізбесі бойынша Наурыз – жаңа жылдың бірінші күні болып саналады, бұл күн – күн мен түннің теңесу күні.

Қазақтар үшін бұл мейрам – көтемгі жаңарудың, махаббаттың, құнарлықтың және достықтың белгісі ретінде атап өтіледі. Ертеректе адамдар Наурыз келмей тұрып үйлерін және мал-жайын қалыпқа келтіріп, мейрамға орай ағаш отырғызып, гүл еккен. Егер Наурыз келген үй таза болып, үй иесі жақсы адам болса, сол үй ауру-сырқау, сәтсіздік, ауыртпалықтардан тазарады деп саналған.

Наурызды “Ұлыстың Ұлы күні” деп те атайды. Бұл мейрамды берекелі етіп тойласа үйге ырыс пен бақ келеді деп сенген.
Мейрам күні қазақтар әдемі киімдерін киіп, бір-бірлеріне қонаққа барады, келер жыл ырысты болсын деп жақсы тілектер айтады.

Тойлау барша қауымдық сауық-сайранмен, ойындармен, ат жарысымен және т.б. көңіл көтерушілікпен жалғасады. Ең басты салттық тағам наурыз-көже болып саналады. Наурыз-көже 7 түрлі тағамнан жасалуы тиіс. Бұл өмір сүру үшін маңызды 7 белгіні: су, ет, тұз, май, ұн, дәндер (күріш, жүгері немесе арпа) және сүтті білдіреді. Қазақтар үшін 7 саны – қасиетті сандардың бірі.

Наурыз бүкілхалықтық болып Қазақстанда 1926 жылдан бастап 1988 жылға дейін тойланбаған. 2001 жылдан бері Наурыз мемлекеттік мейрам ретінде жарияланған. Сондықтан 22 наурыз – жұмыс істемейтін күн.